Nagmalampusong gipahigayon ang mobile birth registration sa barangay Lingatongan pinaagi sa Birth Registration Assistance Project (BRAP) sa Philippine Statistics Authority (PSA) katambayayong ang buhatan sa Municipal Civil Registrar’s Office (MCRO) sa lungsod sa Manukan. Ang maong kalihokan gipahigayon aron matabangan ang mga lumolupyo sa maong barangay nga wala pa ma rehisto ang ilang pagkahimugso, ilabi na ang mga kabataan, aron sila makadawat og opisyal nga birth certificate. Ang mga benepisyaryo mapasalamaton sa serbisyo nga gipaabot sa ilang lugar nga nagpakita sa dedikasyon sa gobyerno sa paghatag og inklusibong serbisyo publiko.

Ang PSA nag-awhag sa tanang indibiduwal nga wala pa marehistro ang ilang pagkahimugso sa pagpahimulos sa mga serbisyo nga gihatag pinaagi sa BRAP. Ang rehistrasyon sa pagkahimugso dili lamang nagpamatuod sa legal nga pagkatawo sa usa ka tawo kondili nagbukas usab sa mga uportunidad sa nagkalain-laing serbisyo sa katilingban, edukasyon, ug sa pagpanarbaho.

Alang sa dugang kasayuran, bisitaha ang opisyal nga website sa buhatan sa PSA ning probinsya sa Zamboanga del Norte https://rsso09.psa.gov.ph/zamboanga-del-norte o i-follow ang opisyal nga Facebook page sa PSO https://facebook.com/psa.zdn.